CENTRAL MINDANAO-Binawian ng buhay ang isang magsasaka sa pamamaril sa lalawigan ng Maguindanao.
Nakilala ang biktima na si Paha Unutan,42 anyos,may asawa at residente ng Barangay Dapiawan Datu Saudi Ampatuan Maguindanao.
Ayon kay Datu Saudi Ampatuan Chief of Police Lieutenant Melvin Laguting na may tumawag umano sa biktima sa kanyang cellphone at kailangan nitong lumabas ng bahay para makuha ang kanyang ayudang bigas.
Nang makakuha na si Unutan ng ayuda sa Brgy Madia Datu Saudi Ampatuan at papaalis na ito ay bigla siyang pinagbabaril ng hindi kilalang suspek gamit ang M16 Armalite rifle.
Mabilis namang tumakas ang mga salarin lulan ng motorsiklo patungo sa liblib na lugar sa bayan ng Datu Saudi Ampatuan.
Patay on the spot ang biktima nang magtamo ng limang tama ng bala sa kanyang likod.
Sa ngayon ay nagpapatuloy ang imbestigasyon ng Datu Saudi Ampatuan PNP sa pamamaril patay sa biktima.
