Magsasaka, nakitang patay sa loob ng balon sa Ilocos

VIGAN CITY – Wala ng buhay nang matagpuan ang isang magsasaka sa loob ng isang balon sa Sto. Domingo, Ilocos Sur.

Ang biktima ay nakilalang si Juan Tubon, 59-anyos na residente ng Barangay Parada sa nasabing bayan.

Sa impormasyong nakalap ng Bombo Radyo Vigan mula sa Sto. Domingo Municipal Police Station, ipinaalam ng misis ng biktima na si Paustina Tubon na nawala ang kanyang mister nitong May 24 at kalaunan bago natagpuang patay.

Nabatid na sa mga nakalipas na araw ay sinubukan pala ng biktima na magpakamatay ngunit na-rescue lang ng mga bombero ng ito ay tumalon sa balon.

Dahil dito, pinaniniwalaan na mayroong matinding problemang pinagdadaanan ang magsasaka.