-- Advertisements --
Patay na nang matagpuan ang isang magsasaka sa lalawigan ng Maguindanao.
Nakilala ang biktima na si Rolly Dilagas, 51 anyos, may asawa at residente ng Sitio Furo Wayeg Barangay Kuya South Upi Maguindanao.
Natagpuan ang bangkay ni Dilagas sa masukal na bahagi ng Sitio Furo Wayeg Brgy Kuya sa bayan ng South Upi na nagtamo ng tama ng bala at saksak.
Bago pinatay ang biktima huling kasama nito ang kanyang kapitbahay matapos silang mag-inuman ngunit, natagpuan nalang itong wala ng buhay.
Sa ngayon ay nagpapatuloy ang imbestigasyon ng South Upi PNP sa naturang pangyayari.
