Magsasaka patay ng masalpok ng SUV sa Ilocos Sur

VIGAN CITY – Isang magsasaka ang namatay matapos masalpok ng SUV sa Brgy. San Ramon, Magsingal, Ilocos Sur.

Nakilala ang biktima na si Iluminado Duque Ulangco Sr, residente ng Brgy. Bacar sa nasabing bayan.

Sa impormasyong nakalap ng Bombo Radyo Vigan mula sa Magsingal Municipal Police Station, akay ng biktima ang kanyang bisikleta habang tumatawid sa national highway ng biglang sumulpot ang SUV na minaneho ni Edward Simpliciano Balisacan at mabunggo si Ulangco.

Dinala sa Ilocos Sur District Hospital Magsingal ang biktima subalit inideklarang dead on arrival.