-- Advertisements --
CENTRAL MINDANAO – Binawian ng buhay ang isang magsasaka sa pamamaril sa probinsya ng Maguindanao.
Nakilala ang biktima na si Salahuddin Kusain alyas Jonex, 35, may asawa at nakatira sa Purok 5, Brgy Poblacion, Ampatuan, Maguindanao.
Ayon sa ulat ng pulisya, sa bayan ng Ampatuan na naglalakad lamang ang biktima sa gilid ng National Highway sa Purok 2, Brgy Poblacion nang ito ay pagbabarilin ng isang suspek gamit ang kalibre .45 na pistola.
Mabilis namang tumakas ang suspek sakay ng motorsiklo patungo sa bayan ng Shariff Aguak.
Patay on the spot ang biktima nang magtamo ito ng tama ng bala sa kanyang ulo at likod.
Personal umanong alitan ang isa sa natatanaw na motibo ng pulisya sa pamamaril patay sa biktima na patuloy nilang iniimbestigahan.
