CENTRAL MINDANAO-Binawian ng buhay ang isang magsasaka sa pamamaril sa lalawigan ng Maguindanao Del Norte.
Nakilala ang biktima na si Pilot Panambulan,29 anyos,may asawa at residente ng Barangay Bugawas Datu Odin Sinsuat Maguindanao Del Norte.
Ayon sa ulat ng Datu Odin Sinsuat PNP na angkas ang biktima sa minamanehong motorsiklo ng kanyang ama sa bahagi ng Barangay Margues sa bayan ng Datu Odin Sinsuat ng bigla itong dikitan ng riding in tandem suspects at pinagbabaril gamit ang kalibre.45 na pistola.
Agad namang tumakas ang mga salarin patungo sa direksyon ng Cotabato City.
Patay on the spot ang biktima nang magtamo ng tama ng bala sa ulo at likod habang ligtas ang kanyang ama.
Sa ngayon ay nagpapatuloy ang imbestigasyon ng DOS PNP sa pamamaril patay sa biktima.
