CENTRAL MINDANAO-Binawian ng buhay sa pamamaril ang isang magsasaka sa probinsya ng Cotabato.
Nakilala ang biktima na si Esmail Namla Kalis,alyas Teng,45 anyos,may asawa at residente ng Sitio Silangan Carmen North Cotabato.
Ayon kay Cotabato Police Provincial Director Colonel Maximo Layugan na naglalakad ang biktima patungo sa kanyang sakahan nang pagbabarilin ito ng suspek na si Anok Lubalang gamit ang kalibre.45 na pistola.
Mabilis namang tumakas ang suspek sakay ng kanyang motorsiklo patungo sa liblib na lugar sa bayan ng Carmen.
Patay on the spot ang biktima nang magtamo ito ng tama ng bala sa kanyang dibdib at ulo.
Personal na alitan ang natatanaw ng mga otoridad na motibo sa pamamaslang sa biktima na patuloy nilang iniimbestigahan at pinaghahanap ang suspek.
