Magsasaka sa Agusan, pinugutan ng leeg habang nagpapahinga sa sakahan

BUTUAN CITY – Inaalam pa ng pulisya ang motibo at identity ng suspek na pumatay sa isang mag-sasaka sa Purok 13, Sta Monica, Barangay Bunawan Brook, Bunawan, Agusan del Sur.

Nakilala ang biktima na si Marjun Manaytay, 33-anyos, may asawa, dalawang anak at residente ng nasabing lugar.

Sinabi ni Pol. S/Sgt. Gil Ursos, imbestigador ng Bunawan Municipal Police Station, gabi nangyari ang pagpatay at bolo aniya ang ginamit ng suspek na pinangpugot sa leeg ng biktima habang ito’y nagpapahinga sa kubo sa kanyang sakahan.

Ayon sa kapatid ng biktima, nadatnan na lamang nito ang kapatid na naliligo na sariling dugo at nakita ang ulo 10 metro ang distansya mula sa katawan nito.