Magsasaka sa Iloilo, patay matapos nakuryente habang nagpapastol ng mga mga alagang kambing

ILOILO CITY – Patay ang magsasaka matapos nakuryente sa Brgy. Miraga-Guibuangan, Santa Barbara, Iloilo.

Ang biktima ay si Jose Ronie Gil, 54, residente ng nasabing lugar.

Sa panayam ng Bombo Radyo Iloilo kay Police Captain Jojo Octavo, hepe ng Santa Barbara Municipal Police Station, sinabi nito na nagpapastol ng kambing ang biktima ng nahawakan nito ang live wire.

Anya, napuluputan ng mga baging ang live wire kung kaya’t hindi ito napansin ng biktima.

Natagpuan na lang anya ito ng mga residente sa lugar kung saan nakahawak pa ito sa live wire.

Ayon kay Octavo, dinala pa sa ospital ang biktima matapos dineklarang dead-on-arrival.