-- Advertisements --
CENTRAL MINDANAO – Tuluyan nang natulog ang isang magsasaka ng itoy pagbabarilin sa probinsya ng Cotabato.
Nakilala ang biktima na si Benjamin Sagpil at residente ng Purok 4 Brgy Pagangan Aleosan North Cotabato.
Ayon sa ulat ng Aleosan PNP na habang natutulog ang biktima sa loob ng kanyang bahay ay pinasok ito ng mga hindi kilalang suspek at pinagbabaril gamit ang kalibre.45 na pistola.
Mabilis namang tumakas ang mga salarin patungo sa liblib na lugar sa bayan ng Aleosan.
Patay on the spot ang magsasaka nang magtamo ito ng tama ng bala sa ulo at dibdib.
Personal na atraso ang natatanaw ng mga otoridad sa pamamaslang sa biktima na patuloy nilang iniimbestigahan.
