-- Advertisements --
Madaling naabot ni Filipino boxer Mark ‘Magnifico’ Magsayo ang catchweight na 126 lbs. sa paghaharap niya kay Gary Russell Jr sa Enero 23 sa Atlantic City.
Sa isinagawang weigh-in nitong Sabado ng madaling araw, tumimbang ang Tagbilaran native na ng 125.5 lbs.
Bahagyang nahirapan naman ang American WBC featherweight champion na maabot ang timbang dahil tumimbang ito ng 126.5 lbs.
Dahil dito ay pinabalik siya ng WBC ng isang oras para maabot ang catch weight.
Matapos ang isang oras ay tumimbang na ang Amercian boxer ng 125.5 lbs.
Sakaling hindi naabot ni Russell ang timbang ay posibleng bawiin sa kaniya ang kaniyang belt.
