-- Advertisements --
Inanunsiyo ng US State Department na mayroong 304 na mga aid trucks ang nakapasok na sa Gaza.
Sinabi ni State Department spokesperson Matthew Miller na ito na ang pinakamaraming bilang ng truck na nakapasok sa Gaza sa loob ng isang araw mula ng magsimula ang labanan.
Umaasa ito na mayroong mahigit 300 na mga aid trucks ang papasok sa kada araw.
Magugunitang noong nakaraang linggo ay inaprubahan ng Israel ang pagbubukas ng Erez crossing matapos na pakiusapan ni US President Joe Biden si Israeli Prime Minister Benjamin Netanyahu.
