Mala-kanyon na paputok nakompiska ng Kabacan PNP sa Kabacan Cotabato

CENTRAL MINDANAO-Sa nakalipas na pagsalubong ng bagong taon, nakapagkumpiska ang Kabacan Cotabato Municipal Police Station sa pangunguna ni PLtCol Irish Hezron Parangan ng labing walong boga boga o boom boom, isang improvised canon, abot higit 600 kwitis, assorted piccolo, at maliliit na ipinagbabawal na paputok.

Ayon kay Parangan, ang mga ito ay nakuha sa mga ambulant vendors habang ang iba ang mismong isinumbong sa tanggapan.

Sa kabila nito, lubos parin ang pasasalamat ni Kabacan Mayor Evangeline Pascua-Guzman dahil sa walang naitalang firecracker related injury.

Nagpasalamat din ito sa kapulisan sa patuloy na pagtugon.

Samantala, sabay-sabay na sinira ng kapulisan ang nasabing mga nakolekta.