Ibinida ng American singer/actress na si Mandy Moore ang matagumpay na pag-akyat nito sa Mt. Everest- ang pinakamataas na bundok sa Daigdig.
Ito’y sa gitna ng binansagang “deadly climbing season” sa Mount Everest kung saan sa pinakabagong tala, ay 11 mountaineers na ang namatay.
Ayon sa “Cry” hitmaker at “A Walk to Remember” star, parang magic ang pakiramdam sa tuktok ng nasabing bundok na 17,600 feet above sea level ang taas ngunit marami ring pinagdaanang hirap.
Kasama ni Moore sa tagumpay ang mga kaibigang sina Ashley Streicher at Chase Weideman at Eddie Bauer alpine guide Melissa Arnot.
Kuwento ni Mandy o Amanda Leigh sa tunay na buhay, maliban sa pagiging hydrated at busog ay mahalaga rin na piliting maging maayos ang paghinga habang nasa base camp para malabanan ang altitude sickness.
“Breathing at altitude, for instance, is not easy. Besides hydration and staying nourished, breathing is THE vital key in the fight against altitude sickness. It’s also a major takeaway that I will be employing back to the real world whether I’m in the midst of a tough workout or a weird day. Mind blown,” saad ni Moore.
“It’s impossible to be lucky enough to arrive at the foot of these mammoth peaks and not be attuned to the palpable energy of all of those who came before and lost their lives in these mountains,” dagdag nito..
Sa kabila ng tagumpay, inalala naman ng 35-year-old songwriter ang mga naunang hiker sa kanya na ang ilan ay sinasabing hindi nakayanan ang kawalan ng oxygen hanggang sa tuluyang bawian ng buhay.
“The wave of emotion: respect, reverence, appreciation….that washed over us as we took in the prayer flags and yellow domed tents of basecamp AND sat on the rocks regarding the chortens that dot the hillside of the Tukla Pass the day before, profoundly.”
Layunin ng trekking trip ni Moore ay upang suportahan ang Juniper Fund na isang non-profit organization na ipinaglalaban ang karapatan ng mga Nepali locals na silang tumutulong sa Everest expeditions at kadalasan umanong nagtatamo ng injury o ‘di kaya’y sinusugal ang buhay. (dailymail/USAToday)
