GENERAL SANTOS – Patay ang isang mangingisda matapos na barilin ng pinsan nito na isang pulis.
Kinilala ang biktima na si Rusty Cariaga Dumas, 35, residente ng Blk 3, Prk. Diamond Valley, Brgy. Tambler, General Santos City.
Ang suspect naman na pulis ay nakilala si Patrolman Jade Rio Rosales Mantua, 31-anyos, single, at residente rin ng naturang lugar.
Nabatid na may nakaalitan ang pulis sa lamay ng kapitbahay at sinundo ito ng biktima para ihatid naman pauwi.
Ngunit pagdating sa bahay ay binaril ng pulis ang biktima sa ulo na sanhi ng pagkamatay nito.
Kaagad sumakay sa kanyang motorsiklo ang suspek at umalis sa lugar habang nakuha naman ng SOCO team ang basyo ng .9mm caliber pistol na ginamit sa krimen.
Nagpapatuloy ngayon ang hot pursuit operation ng pulisya laban sa suspect.
