-- Advertisements --
Ipinaabot ni Filipino boxing icon Manny Pacquiao ang kanyang pasasalamat sa Filipina-Korean star Sandara Park.
Sa kanyang larawan makikita si Pacquiao na kasama ang dating miyembro ng 2NE1 na si Sandara gayundin ang misis ng dating senador na si Jinkee.
Si Pacquiao ay nakatakdang maging guest sa Korean variety show na “Knowing Bros,” kasama si Sandara at ang K-pop star na si Kim Yohan.
Liban sa palabas na “Knowing Bros,” ang Pinoy boxing icon ay nasa South Korea rin para sa promosyon ng exhibition fight laban sa martial artist na si DK Yoo.
Una na ring napaulat na lalabas din si Pacquiao sa South Korean variety show na “Running Man” simula sa October 23 episode.
