-- Advertisements --
Tiniyak ng Philippine Sports Commission (PSC) ang buong suporta kay Filipino boxer Eumir Marcial sa paglaban nito sa Olympics kahit na ito ay maging professional boxer na.
Nalalapit na kasi ang pagpirma nito sa isang promotional outfit at nababahala siya na baka matanggal na ang kaniyang allowance mula sa PSC kapag naging professional boxer na siya.
Subalit tinanggal nina PSC deputy executive director Atty. Guillermo Iroy at commissioner Ramon Fernandez ang pagkabahala ni Marcial dahil patuloy pa rin ang kaniyang allowance basta naghahanda ito sa nalalapit na Tokyo Olympics.
Bagamat seryoso na si Marcial sa pagiging pro-boxer ay hindi pa rin nawawala ang kaniyang pangarap na magwagi sa Tokyo Olympics.
