-- Advertisements --
Ipinagmalaki ni Olympic-bound boxer Eumir Marcial ang ginawang pagtulong ni basketball star Thirdy Ravena.
Kasunod ito sa naging hinanakit ni Marcial sa Philippine Sports Commission at sa Philippine Boxing Federation dahil sa hindi sapat na pondo at suporta.
Sa kaniyang social media ay ibinahagi nito na ang naging palitan nila ng mensahe ni Ravena at sinabi na nais niyang makatulong sa kaunting halaga dahil gusto niyang manalo ang mga ito.
Nauna ng sinabi ni Marcial na kulang ang P43,000 na monthly allowance nito lalo na at nagsasanay pa ito sa US.
Hindi lamang ito ang unang beses na tulungan ang national boxer dahil noong Marso ay tinulungan naman ni Kiefer Ravena ang isa pang boksingero na si Irish Magno.
