-- Advertisements --
Nagluluksa ngayon ang beauty queen actress na si Margie Moran dahil sa pagpanaw ng nakakabatang kapatid.
Sa kaniyang Instagram, nagpost ang dating Miss Universe ng larawan ng 60-anyos na kapatid na si Francis Emmanuel Moran Jr.
Hindi naman binanggit nito ang sanhi ng kamatayan ng kapatid.
Mayroon itong mahabang caption at ikinuwento ang pagiging matagumpay nito sa buhay.
Ipinagmalaki rin ito ng kaniyang ama noong nabubuhay pa dahil ang kaniyang kapatid umano ang nag-alaga sa kanilang ina at mga kapatid noong ito ay nasa US.
Labis ang kalungkutan ng beauty queen dahil halos tatlong buwan pa lamang ay pumanaw rin ang isa pa nilang kapatid na si Ignacio.
