Inilabas ni Marian Rivera ang kanyang fashionista at energetic side sa kanyang birthday photoshoot.
Sa isang cinematic video na ipinost niya sa Instagram, nakita si Marian na nakasuot ng mga damit mula sa Chanel at mga piraso ng alahas mula sa Van Cleef & Arpels.
“August 12,” simpleng isinulat ng Kapuso Primetime Queen sa caption na may emoji ng birthday cake.
Sa kanyang kaarawan, ang asawa ni Marian na si Dingdong Dantes, ay bumati sa social media ng isang Instagram Reel ng kanilang sweet moments.
“Stepping through the rhythms of life hand in hand, every moment with you is a graceful dance that never missing a beat,” sabi ni Dingdong sa caption.
Matatandaan na sina Marian at Dingdong ay nagpakasal noong 2014. Mayroon silang dalawang anak: sina Zia at Sixto.
Nakatakdang magsama muli ang DongYan sa screen para sa “Rewind,” isang magandang pampamilyang drama na may mga touch ng magical realism.
