Binigyang-diin ng Department of Education (DepEd) ang agarang pangangailangan na palakasin ang mga pagsisikap upang mas mahusay na matugunan ang bullying sa mga paaralan.
Ang DepEd, ay nagbigay ng update sa kanilang pagsisikap na labanan ang bullying sa mga paaralan.
Ito ay matapos lumabas sa resulta ng Program for International Student Assessment (PISA) kamakailan na ang bullying ay may kaugnayan sa competency levels at academic performance ng mga mag-aaral.
Sa pagkilala sa kahalagahan ng pagtugon sa bullying at iba pang posibleng kaso ng pang-aabuso sa mga mag-aaral, sinabi ni Poa na itinatag ng DepEd ang Learner Rights and Protection Office (LRPO) noong 2023.
Sa pagbanggit sa datos mula sa LRPO nito, sinabi ni Poa na mayroong 120 kaso na naresolba hanggang sa kasalukuyan.
Gayunpaman, binanggit niya na maaaring may mga isyu na kailangang matugunan pagdating sa sistema ng pag-uulat.
Nabanggit ni Poa na may mga kaso na naresolba, at maaaring mayroong “underreporting” na nangyayari.
Sa ngayon, sinabi ni Poa na pinalalakas ng DepEd ang Child Protection Committees sa mga paaralan at ang sistema ng pag-uulat ay patuloy din na pinapabuti ng kanilang departamento.
