Mata ng 8-anyos na batang lalaki natamaan sa sumabog na pulbura ng fountain

BUTUAN CITY – Apektado ang dalawang mata ng isang 8-anyos na batang lalaki sa Brgy. Mahay nitong lungsod ng Butuan matapos matalsikan ang kanyang mukha sa sumabog na fountains na kanyang inipon pasado alas-4:20 ng madaling araw kahapon.

Ayon sa amain ng biktima, kanila ng binawalan ang bata na hindi mamumulot ng mga hindi sumabog na paputok at timing naman na nakakita ito ng isng box ng fountain na nilagyan umano nito ng may sindi ng sigarilyo kung kaya’t ito ay sumabog at tumama sa kanyang mukha at natalsikan ang kanyang mga mata.

Kaagad itong dinala sa Butuan Medical Center para sa admission at inaasahang malalaman nila ngayong araw ang extent ng injury nito sakaling masususi na ng espeyalista.