Mataas na baha at pagguho ng lupa sa Indonesia, 29 na ang patay

Pumalo na sa 29 na katao ang namatay dahil sa malakas na ulan na naging sanhi ng pagguho ng lupa at mataas na pagbaha sa Bengkulu, Indonesia.

Libo-libong pamilya naman ang nawalan ng tirahan at may ilan pa na hanggang ngayon ay patuloy pa ring pinaghahanap ng mga otoridad.

Nangangailangan naman ang mga pamilyang na-rescue ng tent, bangka, pagkain at tubig. Nagbabala naman ang mga otoridad sa maaaring makuhang sakit dahil sa kakulangan ng malinis na tubig sa bansa.