Matanda na nakasakay sa bisikleta, pinagtataga sa Leyte

TACLOBAN CITY – Patay ang isang senior citizen matapos itong pagtatagain sa Barangay Victory, Babatngon, Leyte.

Kinilala ang biktima na si Epifanio Benancillo, 63-anyos, isang magsasaka at nakatira sa Barangay Naga-asan ng naturang bayan.

Ayon kay PLt. Melvin Ay-ay, acting chief of police ng Babatngon Leyte, na pauwi na sana ang biktima sakay ang kaniyang bisekleta ng bigla itong pagtatagain ng hindi nakilalang mga suspek.

Nagtamo ng sugat sa kaniyang dibdib ang biktima dahilan ng agarang pagkamatay nito.

Sa ngayon ay nagpapatuloy ang ginagawang imbestigasyon ng mga kapulisan hinggil sa insidente.