LA UNION – Sa isinagawang clearing operation ng 7TH ID PA sa pinangyarihan ng bakbakan sa Barangay Suagayan sa bayan ng Sta. Lucia, Ilocos Sur sa pagitan ng NPA at militar ay mga malalakas na baril ang nakumpiska.
Kabilang dito ang (4) M16 rifles; (2) M14 rifles; (1) cal. 45 pistol; (1) 9mm pistol; (1) shotgun; (6) Improvised Explosive Device, (15) blasting caps; (5) detonating switch; (2) rolls ng 25 meters wire; (3) hand grenades; subversive documents at iba’t-ibang uri ng gamot.
Kung maalala, pito ang bilang ng mga nasawi sa nangyaring sagupaan sa pagitan ng mga kasapi ng Kilusang Larangang Guerilla South Ilocos Sur at isa sa hanay ng militar sa bayan ng Sta. Lucia.
Ang nasabing mga bandido ay dati ng nakasagupa ng tropa ng gobierno noong July 26 sa bayan Suyo at noong July 31 sa bayan ng Sta Cruz, Ilocos Sur.
