-- Advertisements --
KORONADAL CITY- Nagpapatuloy sa ngayon ang imbestigasyon ng mga otoridad kaugnay sa nangyaring panibagong pamamaril sa lungsod ng Koronadal.
Sa report ng Koronadal City PNP, kinilala ang biktima na si John Togonon Sr, 50-anyos, may-asawa, residente ng Upper Paredes, Brgy Zone IV, ng nasabing lungsod at may-ari ng Rest Heaven Funeral Homes sa Brgy New Iloilo, Tantangan, South Cotabato.
Lumalabas sa inisyal na imbestigasyon ng PNP na habang bumbili ng bulaklak para sa patay ang biktima, pinagbabaril ito ng pinaniniwalaang riding in tandem suspek.
Narekober sa crime scene ang 3 bala ng cal 45 na ginamit sa pamamaril sa biktima.
Sa ngayon, inaalam pa ng PNP ang motibo sa nangyaring pamamaril.
