Tiniyak ni dating presidential spokesman Atty. Harry Roque na masusundan pa ang mga kasong inihain nila sa Ombudsman laban sa mga opisyal ng Philippine Health Insurance Corporation (PhilHealth).
Una rito, inihain ni Roque ang reklamo laban kina dating PhilHealth President Roy Ferrer at 11 iba pa.
Sinabi ni Roque sa panayam ng Bombo Radyo na inisyal pa lamang ito, dahil marami pang usaping kinasasangkutan ang mga dati at kasalukuyang opisyal ng naturang tanggapan.
Kabilang sa mga kaso ay paglabag sa Anti-Graft and Corrupt Practices Act, usurpation of judicial functions, grave misconduct, gross neglect of duty at conduct prejudicial to the service.
Damay din sa reklamo ang Perpetual Succour Hospital of Cebu (PSHC) na sinasabing nagkaroon ng kwestyunableng aktibidad para lumaki ang singil sa PhilHealth.
Dismayado naman si Roque na hindi maipatupad nang husto ang Universal Health Care Law dahil sa kakulangan ng pondo at kahandaan ng Department of Health (DoH), habang talamak ang korapsyon sa PhilHealth.
“It is very unfortunate – and quite frankly, unacceptable — that the nationwide rollout of the Universal Health Care law may not happen next year due to budgetary constraints and the lack of readiness of the Department of Health. The inability to implement the UHC nationwide merely underscores the fact that we need to address issue of corruption decisively so that scarce resources will go to the people and not to the pigs in PhilHealth,” wika ni Roque.
