Sinimulan na ng Maynilad ang pagpapatakbo ng reclamation facility at bagong water treatment plant na nagbibigay ng maiinom na tubig gamit ang proseso ng “direct potable reuse”.
Ayon sa Maynilad, ang pasilidad na nagbibigay ng maiinom na tubig sa dalawang pilot barangay sa Parañaque City, ay ang una sa uri nito sa Asia.
Sa ilalim ng sistema, sinabi ni Maynilad New Water officer-in-charge Danica Parafina na ang pasilidad ay nagbibigay ng hindi bababa sa 10 milyong litro bawat araw sa mga barangay San Dionisio at San Isidro.
Ito ay sumasaklaw sa hindi bababa sa 38,700 na mga customer.
Naging operational ang pasilidad noong Okt. 26.
Ipinunto niya na nagsimula ang Maynilad na bumuo ng iba pang pinagkukunan ng tubig matapos ang karanasan noong 2019 kung saan ang lebel ng tubig sa Angat Dam ay umabot sa pinakamababang critical level na 157 metro sa gitna ng El Niño phenomenon.
Bukod dito, ang pagtaas ng populasyon at ang epekto ng pagbabago ng klima o climate change ay kabilang sa mga dahilan sa pangangailangan na bumuo ng mga bagong alternatibong mapagkukunan ng tubig.
