Hindi umano nababahala si five division world champion Floyd Mayweather sa size at weight advantage ng makakatunggaling Youtube star na si Logan Paul sa susunod na buwan.
Maghaharap ang dalawa sa isang exhibition match na gaganapin sa hindi pa batid na lugar, na popondohan ng pay-per-view service na Fanmio.
Ayon kay Fanmio CEO and Founder Solomon Engel, wala umanong reaksyon si Mayweather kung mas malaki at mas mabigat si Paul.
“Logan was the first real opponent that we said let’s explore. We have a lot of talk about different things for the future, but initially this one was what was proposed,” wika ni Engel.
Batay sa statistics, may bigat na hindi tataas sa 154-pounds ang 5-foot-8 na si Mayweather, habang mas matangkad naman sa 6-foot-2 si Paul, at may 50-pound weight advantage.
Maliban pa rito, mayroong agwat na 18-taon ang dalawa, dahil 43-anyos si Mayweather habang si Paul ay 25-anyos.
Kumpiyansa rin si Engel na babasag ng pay-per-view records ang naturang laban.
“We do see it breaking the record. We have projections which I don’t want to comment on but we do see it breaking the record,” ani Engel.
“I can tell you we are very bullish on beating that number and possibly by a long shot. We have already sold a great deal of PPVs, which is kind of unheard of early on. We are already seeing success in that area and between who the two fighters, between how we handle distribution we do see it breaking the record.”
