COTABATO CITY – Naging matagumpay ang naging “All in One Mission” na pinangunahan ng MBLT-5 o Marine Battalion Landing Team -5 sa Brgy. Matuber, Datu Blah Sinsuat, Maguindanao kahapon.
Ang All in One Mission ay nakapag serbisyo ng higit 200 na mga residente sa lugar. Ito ay kinabibilangan ng libreng Medical, Dental Mission, Tuli, Haircut, at Food feeding activity.
Sa naging panayam ng Star FM Cotabato kay Major Melchor A. Gonzaludo PN(M), Commanding Officer ng MBLT-5, sinabi nito na ang sebisyo sa kumunidad ang isa sa kanilang mga tinututukan, at sa pamamagitan nito ay naibabahagi ng kanyang mga nasasakupan (Marines) ang kanilang mga eksperto, kagaya na lamang ng Haircut at Tuli.
“Nagpapasalamat ako sa aming mga partners, ang mga Non Government Organization na hindi nagsasawang sumupurta sa amin”. – Ani Gonzaludo.
Katuwang ng MBLT-5 ang Junior Chambers International o JCI Cotabato Chapter upang maisakatuparan ang nasabing programa.
