-- Advertisements --
Nagkaroon ng mainitang pagtatalo si UFC president Dana White at mixed martial arts fighter Conor McGregor.
Kasunod ito ng pagtanggi ng Irish fighter na lumaban sa UFC at ang pagpayag naman nito harapin si Filipino boxing champion Manny Pacquiao.
Binanatan din ni White si McGregor dahil inilabas nito sa publiko ang personal na usapan nila.
Dagdag pa ni White na bilang ranked number 2 o 3 si McGregor ay nais nitong kalabanin si Diego Sanchez na walang ranking sa UFC.
Hindi rin aniya nito alam na lalabanan ni McGregor si Pacquiao dahil ang pagkakaalam niya ay retirado na si McGregor.
Bumuwelta naman si McGregor at sinabing pawang mga kasinungalingan ang pinagsasabi na ito ni White.
