Good News!
Kinumpirma ng Manila Electric Company o Meralco na hindi sila magpapatupad ng power service interruption sa mga lugar na nasasakupan nito ngayong Christmas week.
Ito ay mula ngayong araw December 23 hanggang December 28 ng taong ito.
Batay sa inilabas na abiso ng Meralco , ang kanilang susunod na scheduled interruption ay sa darating na December 29.
Ito ay kinabibilangan ng ilang lugar sa Laguna mula 5:00am – 6:00am at 12:00nn -1:00pm, Bulacan mula 10:00am -10:30am at Batangas mula 5:00am – 6:00am at 12:00nn – 1:00pm.
Ayon sa Meralco, magsasagawa sila ng maintenance activities sa kanilang mga linya.
Humingi naman ito ng pang-unawa sa kanilang mga kustumer at tiniyak na kaagad ibabalik ang supply ng kuryente sa oras na matapos ang kanilang maintenance activities.
