-- Advertisements --
Pumirma si Lionel Messi sa Paris St. Germain matapos tuluyang pag-alis nito sa Barcelona.
Laman ng kontrata ay dalawang taon na pagpanatili nito sa koponan at may option pa ito sa ikatlong taon.
Magugunitang nagdesisyon ang 34-anyos na Argentina captain matapos na aminin ng Barcelona Football Club na hindi na nila makakayanan ang bagong kontrata sa financial fair play rules ng La Liga.
Marami naman ang fans ang natutuwa dahil sa paglipat nito ay makakasama niya muli ang dating Barca team mate nito na si Neymar.
Mula pa noong 13-anyos pa lamang ito ay miyembro na si Messi sa Barca na mayroong 672 goals ang nagawa sa 778 na laro.
