-- Advertisements --
Naibalik na ang dalawang aso ni Lady Gaga ilang araw matapos na ito ay dukutin.
Ayon sa kay Los Angeles Police Department spokesman Officer Mike Lopez, isang babae ang nagpasakamay sa aso ng singer na sina Koji at Gustav.
Magugunitang dinukot ng hindi pa kilalang suspek ang dalawang aso ng singer habang ipinapasyal ng dog walker nito na si Ryan Fischer.
Binaril pa ng mga suspek si Fischer matapos ang insidente at ito ay itinakbo na sa pagamutan.
Nag-alok pa ang singer ng $500,000 bilag pabuya sa sinumang makakapagbalik ng kaniyang aso.
Hindi naman binanggit ng kapulisan kung naibigay sa babaeng nagpasakamay ng aso sa pulis ang pabuya.
