Mga baboy na walang dokumento na ipupuslit sana sa Capiz, pinabalik sa Masbate

ROXAS CITY – Umabot sa 16 na mga baboy mula sa lalawigan ng Mas-bate ang naharang ng mga otoridad sa Barangay Culasi, Roxas City.

Kinumpirma sa Bombo Radyo ni Kapitan Erwin Oroceo ng Barangay Baybay, nitong lungsod ang nasabing report.

Ayon sa punong barangay matapos makatanggap ng impormasyon na may mga baboy na mula sa Masbate na darating sa pantalan ay kaagad silang nakipag-ugnayan sa City/Provincial Veterinarian’s Office at Roxas City PNP na kasama nilang nagpunta sa lugar.

Dahil sa kabiguang makapresenta ng mga dokumento na legal ang pag-biyahe sa nasabing mga baboy ay hinarang ito at pinabalik sa Masbate.

Napag-alaman na hanggang sa ngayon ay nasa state of calamity ang lala-wigan dahil sa African Swine Fever (ASF).