Mga bahay at mga puno nabuwal sa paghagupit ng buhawi sa Maguindanao Del Sur

CENTRAL MINDANAO-Nagdulot ng takot sa mga residente ang malakas na hangin at ulan sa lalawigan ng Maguindanao Del Sur.

Ayon kay Rodel Alentajan Ambayon na nakatira sa Barangay Kauran Ampatuan Maguindanao na bumuhos ang tila bagyong ulan sa kanilang lugar.

Ilang minuto lamang ang nakalipas ay hinagupit na sila ng malakas na hangin o buhawi.

Dahil sa tindi ng hangin ay tinangay ang mga yero,nabuwal ang mga puno at nasira ang mga bahay.

Suwerte namang walang nasaktan sa insidente dahil mabilis na nakapagtago ang mga nakatira sa lugar.

Nakatakda namang mamahagi ng tulong ang LGU-Ampatuan Maguindanao Del Sur sa mga residente na hinagupit ng buhawi.