-- Advertisements --
Hindi na nakaligtas sa nagaganap na Palisade fire sa Los Angeles ang bahay ng ilang Hollywood celebrities.
Matatagpuan sa Pacific Palisades ang bahay ng ilang mga celebrities gaya nina Tom Hanks, Ben Affleck, Steven Spielberg, Reese Witherspoon, Michael Keaton, Travis Barker, Landon Barker, Alabama Barker, Miles Teller at maraming iba pa.
Nagbahagi ng ilang larawan sina Chet Hanks ang anak ni Tom Hanks sa mga larawan ng nagaganap na malawakang sunog.
Maging si Rita Wilson ay nagpost ng larawan ng kaniyang kapitbahay na nagkukumahog na lumilikas.
Natupok naman ng apoy ang mga bahay nina reality star Heidi Montag at Spencer Pratt.
Magugunitang ilang libong residente na ang pinalikas dahil sa panganib ng nasabing malaking sunog.
