ILOILO CITY – Tampok ang mga celebrities at beauty queens bilang hurado sa Miss Iloilo 2023.
Ang Miss Iloilo 2023 ay isa sa mga higlights ng Iloilo Dinagyang Festival.
Sa panayam ng Bombo Radyo Iloilo kay Professor Kevin Piamonte, director ng Miss Iloilo, sinabi nito na magiging star studded ang pageant.
Ayon kay Piamonte, kabilang sa mga board of judges ay si Miss Earth 2015 Angelie Ong, Miss World Philippines 2022 Gwendolyne Fourniol, Mister Caballero Universal Filipinas 2022 Andre Cue at actor na si Luis Christian Singson.
Magiging host ng pageant si Marco Gumabao at Miss Grand International 1st runner up Nicole Cordoves.
Ayon kay Piamonte, 18 mga contestants ang mag-aagawan para sa titulong Miss Iloilo 2023.
Matapos nito, magsasagawa ng deliberasyon ang Miss lloilo committee kung sino ang magiging Miss Iloilo Universe, Miss Iloilo Binibini, at Miss Iloilo World.
