Dumating na sa Capitol Rotunda ang mga dating pangulo ng US na dadalo sa panunumpa ni US President-elect Donald Trump.
Kabilang sa mga dumating ilang oras bago ang panunumpa ay sina dating US President Bill Clinton at asawang si dating US Secretary of State Hillary Clinton ganun din sina ex-Pres. George W. Bush at Laura Bush.
Mag-isa namang dumating si dating US President Barack Obama matapos ang pagkumpirma ng asawang si Michelle na hindi ito makakadalo.
Nakatanggap naman ng standing ovation si Mike Pence na nagsilbing Bise Presidente ni Trump noong unang termino nito.
Una ng nakarating sa Capitol Rutonda ang mga anak ni Trump na sina Ivanka, Donald Trump Jr, Tiffany Trump,Eric at Baron Trump.
Nasa lugar na rin ang siyam na Supreme Court Justices sa pamumuno ni Chief Justice John Roberts na siyang manunumpa kay Trump habang si Brett Kavanaugh ay siyang mangunguna sa panunumpa ni JD Vance bilang vice president.
Lahat ng mga napiling gabinete ni Trump ay dumating na rin sa lugar.
