CEBU CITY- Inihatid na sa kanilang huling hantungan ang 9 na mga biktima sa isang aksidente sa bayan ng Boljoon, Cebu noong Biyernes ng umaga.
Maraming tao ang pumunta sa Boljoon Cultural Sports Complex para makiramay sa mga pamilya ng biktima at sasabay na rin sa paghatid ng mga namatay.
Nakakabingi naman ang iyak ng mga magulang nang inilagay na sa kanilang libingan ang mga labi ng mga estudyante kung saan may hinimatay pa.
Nabatid na gusto na ring ipalibing agad ng mga kaanak ang kanilang mga mahal sa buhay na nasawi sa naturang aksidente dahil mas lalo umano itong nasasaktan habang tinitingnan ang mga anak na nasa loob na ng kabaong.
Maalala na bumaliktad ang mini dump truck na sinakyan ng mga estudyante at iilan sa mga magulang para sana sa isang district meet nitong Biyernes ng umaga.
Binangga ng driver ang isang burol dahil nawalan umano ng preno ang truck ngunit sa lakas ng impact,bumaliktad ito dahilan na tumilapon ang mga sakay na estudyante at ang iba ay nadaganan pa.
Walong estudyante at isang magulang ang namatay habang hindi bababa sa 10 ang injured.
