LAOAG CITY – Umaasa ang mga fans ng Denver Nuggets na magiging payapa ang buong selebrasyon matapos manila ang koponan sa NBA Finals.
Ayon kay Bombo International News Correspondent Tom Mastrili sa Denver, Colorado, magkahalong emosyon ang naramdaman ng mga tao dahil ito ang kauna-unahan nilang kampeonato.
Sinabi pa ni Mastrili na pagkatapos mismo ng laro, ay marami nang nagdiwang kung saan ang iba ang naging bayolente pa hanggang mangyari ang pamamaril sa nasabing lungsod.
Ganunpaman, inihayag ni Mastrili na labis ang saya ng buong lungsod at mas dumadami pa ang selebrasyong nagaganap hanggang sa parada sa Huwebes sa Colorado, at Biyernes ng umaga dito sa Pilipinas.
Inihayag nito na ang motorcade ay magsisimula sa Court mismo ng Denver hanggang sa munispiyo nila ang babalik.
Nabatid na open naman sa lahat ang parada at maraming pulis ang ipapakalat para makontrol ang mga tao dahil halos hindi pa nakaka-get over ang mga ito sa tagumpay ng grupo.
Samantala, matapos matalo ng Denver Nuggets ang Los Angeles Lakers ay inaasahan na ng mga tao na magkakampeon ang grupo.
