Mga football fans may mga koponan ng napili para magwagi sa FIFA World Cup 2022

Nananatiling paboritong manalo ng mga football fans para sa FIFA 2022 ang mga bansang Argentina, Brazil at ang 2018 defending champion na France.

Ito ang lumabas sa ilang pagtaya ng mga football fans matapos na makumpleto na ang 32 koponan mula sa walong grupo.

Bukod pa sa nasabing mga bansa ay paboritong manalo ang Senegal, Croatia, the Netherlands, Canada, Denmark, Poland, Uruguay at Wales.

Magugunitang noong 2018 FIFA World Cup na ginanap sa Russia ay tinalo ng France ang Croatia 4-2.

Magsisimula naman ang FIFA World Cup sa November 21 hanggang Disyembre 18 na ang magiging host country ay ang Qatar.