Dumating na sa Turkey ang mga foreign ministers ng Russia at Ukraine para sa face-to-face talks.
Ito ang unang high-level contact sa pagitan ng dalawang panig mula nang salakayin ng Moscow ang dating Soviet na kapitbahay nito.
Ang mga opisyal mula sa Kyiv at Moscow ay nagsagawa ng ilang mga round ng mga talakayan sa Belarus, ngunit ang pagpupulong sa katimugang lungsod ng Antalya ay kumakatawan sa unang pagkakataon na ang Russia ay nagpadala ng isang ministro para sa mga pag-uusap sa krisis.
Nakarating na sa antalya ang Ukrainian foreign minister na si Dmytro Kuleba para sa mga pag-uusap “Sa pagtigil ng russia sa pakikipaglaban nito at pagwawakas sa digmaan nito laban sa Ukraine.
Dumating na rin ang kanyang Russian counterpart na si Sergei Lavrov para sa mga pag-uusap.
Ang diyalogo sa pagitan ng Kyiv at Moscow ay nagbunga ng ilang lokal na tigil-putukan at humanitarian koridor upang ilikas ang mga residente, ngunit ang Russia ay inakusahan ng paglabag sa mga kasunduang iyon.
Napag-alaman na umabot na sa 35,000 mga sibilyan ang lumikas mula sa mga lungsod ng Ukraine.
Sinabi ng pinuno ng Ukrainian na pinahintulutan ng tatlong humanitarian corridor ang mga residente na umalis sa mga lungsod ng sumy, enerhodar at mga lugar sa paligid ng Kyiv.
