Mga grupo nakalikom ng pondo para maiuwi na ang mga bangkay ng mga Vietnamese na natagpuan sa UK

Nagtulong-tulong ang ilang mga organisasyon para sa iba’t-ibang panig ng mundo para maibalik sa kanilang bansa ang 39 Vietnamese na natagpuang patay sa loob ng truck sa United Kingdom.

Nakalikom ng aabot sa $110,000 o mahigit P5.5 million ang iba’t-ibang grupo para maibiyahe na mula sa Essex papuntang Vietnam ang nasabing mga bangkay.

Gagastos kasi sa mahigit $2,856 ang bawat pamilya para maiuwi ang isang bangkay.

Nag-alok na rin ng pautang ang Vietnam government sa kaanak ng mga biktima para maiuwi ang bangkay.

Magugunitang natagpuan ang mga bangkay noong Oktubre sa loob ng truck na pinaniniwalaang biktima ng human trafficking.