Pangungunahan ni Movie Television Review and Classification Board (MTRCB) chief Rachel Arenas ang pagiging hurado para ng Metro Manila Film Festival 2020.
Makakasama nito si Cabinet Secretary Karlo Nograles, Ormoc City Mayor Richard Gomez, Carlitos Siguin-Reyna, Lualhati Bautista, Jay Durias, Rico Hizon, Director Guild of the Philippines president Paolo Villanueva, Corazon Bautista-Cruz ang MMDA assistant manager at MMDA consultant Belinda Enriguez.
Magugunitang gagawin ang mga aktibidad ng 46th MMFF virtual dahil sa COVID-19 pandemic.
Isasagawa ang gabi ng parangal sa Disyembre 27 na virtual din.
Ang mga kalahok na pelikula ay kinabibilangan ng “Magikland,” “The Missing,” “Tagpuan,” “Coming Home,” “Fan Girl,” “Isa pang Bahaghari,” “The Boy foretold by the stars,” “Pakboys Takusa,” “Mang Kepweng” at “Suarez: The healing priest.”
