-- Advertisements --
BAGUIO CITY – Patuloy na nararanasan ang malakas na buhos ng ulan kasabay ang malakas na ihip ng hangin sa Baguio City at lalawigan ng Benguet.
Dahil dito, suspendido ang pasok sa paaralan ngayong araw sa Baguio City mula pre-school hanggang elementary base sa advisory ni Vice Mayor Faustino Olowan.
Sinuspendi naman ni Benguet Governor Melchor Diclas ang pasok mula pre-school hanggang sekondarya sa buong lalawigan ng Benguet dahil sa delikadong kalagayan ng panahon.
Muling pinayuhan ng gobernador ang mga residente na mag-ingat lalo na sa mga nakatira sa mga delikadong lugar.
Aniya, sa ngayon ay nakabukas naman ang lahat ng kalsada sa Baguio City at Benguet.
