Ipinakita na ni UFC president Dana White ang kaniyang fight island.
Matatagpuan ang 2,000 square miles na lupain sa Yas island sa Abu Dhabi.
Sinabi ni White na may mga nakalinyang laban na ang gagawin sa nasabing lugar.
Ginawa rin ang nasabing Fight island na magbibigay ng ligtas na lugar para doon gawin ang mga UFC fights sa gitna ng COVID-19 pandemic.
Para mas lalong ligtas laban sa virus ay may nakatalagang 17 medical personnel para suriin ang kalusugan ng mga fighters.
Nagkaroon na rin sila ng nasa 2,000 na testing sa nasabing lugar.
Dagdag pa nito ang mga fighters at crews ay sasailalim sa limang rounds ng testing na magsisimula bago sila magtungo sa nasabing isla.
Unang gaganapin sa isla ang UFC 251 sa Hulyo 11 kung saan makikita ang laban sa pagitan nina Kamaru Usman at Gilbert Burns.
Magkakaroon din ang laban si Max Holloway kay Alexander Volkanovski habang lalabanan ni Paige VanZant si Amanda Ribas.
