-- Advertisements --
CENTRAL MINDANAO-Dumagsa pa ang mga nagpapabakuna kontra Coronavirus Disease (Covid 19) sa Datu Montawal Maguindanao.
Matatandaan na nagviral sa social media ng unang magpabakuna ang buong pamilya ni Datu Montawal Mayor Datu Ohto Montawal ,Vice-Mayor Datu Vicman Montawal at LGU.
Pinakita ng Alkalde sa taumbayan na walang masamang epekto kung magpabakuna.
Mas lalong na-inganyo ang mga mamamayan ng Datu Montawal na magpabakuna dahil may pagkain na ibibigay tuwing vaccination rollout at may libreng food packs kang madadala sa pag-uwi.
Nang lumobo ang bilang ng mga nahawaan ng Delta variant at pagsulpot ng ibang uri ng virus,karamihan sa mga nagdadalawang isip na magpabakuna ay dumagsa narin sa mga vaccination rollout kontra Covid 19.
