-- Advertisements --
Nakabalik na ang lahat ng mga tumakas na preso sa Malibay substation nitong nakaraang Lunes.
Ayon sa Southern Police District na huling naaresto nila ay si Richard dela Cruz na nakakulong dahil sa kasong pag-iingat ng iligal na droga.
Magugunitang 10 mga preso ang tumakas sa Malibay Detention Facility sa lungsod ng Pasay nitong Lunes ng madaling araw.
Sinira nila ang bakal na pasilidad at nagawa pang bugbugin ang duty na jailer at maging ang baril nito at susi ay kanilang kinuha.
