Mga otoridad, nailigtas na ang isang bata na hinostage ng kanyang ama

Iniligtas ng mga otoridad ang isang bata na hinostage ng kanyang ama sa Brgy. Sta Ana, Taytay, Rizal. 

Ayon kay Taytay Mayor Allan de Leon, nasa kustodiya na ng Philippine National Police ang hostage taker.

“Sa pangunguna ng ating PNP Provincial Director Felipe Maragun, Taytay Police Chief Marlo Solero as Negotiators, kasama ang Brgy. Sta Ana at Task force multipliers maayos at matiwasay na natapos/nailigtas ang batang [na] na-hostage. Kasalukuyang hawak at nasa kustodiya na ng PNP ang Suspek, saad ni de Leon sa kanyang post. 

Dagdag pa ng alkalde, binuksan at maluwag na dumadaloy ang trapiko sa magkabilang linya ng C6 Road.

Pinaalalahanan naman nito ang lahat na patuloy na mag-ingat.